Uncategorized @ga

Cassan an t-ainm atá ar chomhpháirtíocht idir an Bhunscoil lán-Ghaeilge in Oileán Mhanann agus Conradh na Gaeilge Boirche i ndeisceart an Dúín. Anois tháinig siad i gceann a chéile le áis a dhéanamh a thugann eolas ar Ghaelg, Gaeilge agus Gàidhlig agus a bheas ar fáil go leitheadach do scoileanna sna hoileáin seo., Sraith álainn de sheacht bpóstaer le foclóir úsáideach le gur féidir le daltaí foghlaim faoi na coibhneasa idir na teangacha Gaelacha. ‘

‘Cosán’ an chiall atá le Cassan i nGaeilge. Tá Oileán Mhanann le feiceáil ó na Beanna Boirche, mar a bhfuil Bunscoil na mBeann , a bhfuil dlúthnasc acu le Conradh na Gaielge Boirche Íochtair. Ba iad Vicki Webb as Oileán Mhanann agus Andrea McCloskey as Contae an Dúin na healaíontóirí. Is iad Josephine Siriu Dunbar. teangeolaí agus oifigeach forbartha ag Conradh na Gaeilge Boirche Íochtair, agus Aalin Clague, múinteoir ag Bunscoill Ghaelgach in Oileán Mhanann a chuir an tionscadal le chéile, i gcomhairle le foilsitheoirí oideachasúla, An Stòrlann in Albain, agus an tÁisaonad in Éirinn. Tá an tionscadal á mhaoiniú agus á éascú ag Colmcille, Foras na Gaeilge mar pháirt de chlár Cholmcille 1500.

Tá súil ag Conradh na Gaeilge Boirche Íochtair na póstaeir a chur ar fáil trí eagraíochtaí oideachasúla lán-Ghaeilge agus o shiopaí leithéid  An Ceathrú Póilí i mBéal Feirste a bhfuil siopa ar líne acu.

In Oileán Mhanann bíonn bunadh Arbory i ndeisceart an oileáin ag ceiliúradh Laa Columb Killey go mall i Mí Mheithimh seachas ar an 9 lá mar a dhéantar in Éirinn agus in Albain. I mbliana tá clár speisialta ag comóradh 1500 bliain ó rugadh Colmcille. Tá Jeebin (Líonra Teanga na Manannaise) ag obair i bpáirt le scoil Arbory, ag cruthú áiseanna a léiríonn an pháirt atá ag an pharóiste i stair na Manannaise.

Tá Culture Mhanann ag cur ceiliúradh cruthaitheach le Colmcille 1500. Tá aintiún cóir Y Folliaght (An Rún) cumtha ag Aalin Clague, cainteoir Manannaise agus múinteoir ag Bunsgoill Ghaelgach an oileáin. Dán atá leagtha ar Cholmcille a spreag Marie Clague a scríobh na liricí Insíonn Y Folliaght faoi thuras Cholmcille thar farraige, agus é déanamh iontais de na radharcanna agus fuaimeanna sa domhan thart timpeall air. Tá taifeadadh déanta ag Caarjyn Cooidjagh, cór Gaelach Mhanann, agus is féidir é a cluinstin agus na liricí a léamh anseo. Ballagroove Recording Studio a rinne an taifeadadh. Foilseofar é go luath le físeán ar a mbeidh íomhánna áille d’Oileán Mhanann ag www.culturevannin.im

Tá Gaelg21 clár de chuid Jeebin, Líonra Teanga na Manannaise ag ceiliúradh dúchas na Manannaise agus Mhanann agus ag cur le Colmcille 1500 chomh maith. Is féidir tuilleadh a fháil amach faoi Gaelg21 anseo.

Sainchomhartha is ea Túr McCaig os cionn bhaile turasóireachta an Òbain in Earra-Ghàidheal agus beidh sé ar lasadh ar an 9 Meitheamh 2021 le saothar ealaíne ag naoi n-ealaíontóir.

Fuair gach ealaíontóir maoiniú ó Dhuais Dìleab Cholmcille scéím a bhunaigh Bòrd na Gàidhlig agus Seanadh Cultar, Dualchas is Ealain, Earra-Ghàidheal is nan Eilean (CHARTS) le beatha agus oidhreacht Cholmcille a chomóradh mar pháirt den bhliain chomórtha Colmcille 1500.

Tá tuilleadh eolais ar fáil anseo.

Clár teilifíse ag BBC ag comóradh Colmcille. Le fáil ar BBC iPlayer.

I measc na n-amhránaithe, beidh Màiri Anna NicUalraig agus Eadar-Thìr á cheol aici; beidh O Calum Cille á cheol ag Eilidh NicCormaig agus beidh Iain Iòsaef MacNèill ag ceol Earal Eòdhnain. Beidh an t-Urr Dòmhnall Mìcheal MacAonghuis agus an Canónach Seumas MacNèill ár dtreorú trí léamha agus machnaimh ó na scrioptúir.

I measc na n-amhránaithe, beidh Màiri Anna NicUalraig agus Eadar-Thìr á cheol aici,. Beidh O Calum Cille á cheol aig Eilidh Cormac agus beidh John Joe MacNèill ag ceol Earal Eòdhnain. Beidh an t-Urr Dòmhnall Micheal MacAonghuis agus an Canonach Seumas MacNèill ár dtreorú trí léamha agus machnaimh ó na scrioptúir.