Feidhmíonn Colmcille trí scéimeanna deontais agus trí thionscadail a éascú agus a thionscnamh. Le maoiniú tugtar faoi na téamaí seo a leanas: na healaíona, daoine óga, oidhreacht, Gaeilge na hAlban agus na hÉireann a fhoghlaim, comhpháirtíocht agus forbairt pobail, agus taighde.
In Albain tacaíonn Bòrd na Gàidhlig le scéim deontais bhliantúil Cholmcille a bhfuil de rún sonrach léi tacú le tionscadail a bhaineann na nithe seo a leanas amach:
- Cur chun cinn Ghaeilge na hAlban agus na hÉireann trí na healaíona
- Oidhreacht a úsáid le pobail labhartha Gaeilge a thabhairt le chéile agus stádas na dteangacha Gaeilge a ardú
- Cainteoirí óga Ghaeilge na hAlban agus na hÉireann a thabhairt le chéile trí imeachtaí nó tionscadail scoile
- An comhphlé a chur chun cinn agus eispéiris agus an cleachtas is fearr a chomhroinnt idir cainteoirí Ghaeilge na hAlban agus na hÉireann
- Tacú le foghlaim Ghaeilge na hÉireann i measc chainteoirí Ghaeilge na hAlban
Tá foirmeacha iarratais agus treoirlínte Bòrd na Gàidhlig do scéim Cholmcille ar fáil anseo.
In Éirinn feidhmíonn Foras na Gaeilge, ar bhonn uile-oileáin agus tá trí scéim deontas Cholmcille aige:
- Scéim Deontas Cholmcille, do thionscadail, a bhfuil dhá bhabhta maoinithe aici sa bhliain
- Scéim Miondeontas Cholmcille le haghaidh comhpháirtíochtaí agus tionscadail a fhorbairt, atá ar oscailt i rith an ama
- Scéim Sparánachta Cholmcille do chainteoirí Ghaeilge na hÉireann atá ag foghlaim Ghaeilge na hAlban
Tá foirmeacha iarratais agus treoirlínte Fhoras na Gaeilge do scéimeanna Cholmcille ar fáil anseo.
