Bidh Colmcille ag obair tro sgeamaichean tabhartais agus tro bhith a’ comasachadh agus a’ tòiseachadh phròiseactan. Bidh am maoineachadh a’ cur taic ris na cuspairean a leanas: na h-ealain, daoine òga, dualchas, ionnsachadh Gàidhlig na h-Alba agus Gàidhlig na h-Èireann, leasachadh com-pàirteachais is coimhearsnachd, agus rannsachadh.
Ann an Alba, bidh Bòrd na Gàidhlig a’ cumail taic ri Cholmcille tron sgeama Taic Freumhan Coimhearsnachd, le prìomhachas air a thoirt seachad do phròiseactan a tha togail ceanglaichean eadar luchd-labhairt na Gàidhlig is Gaeilge.
Gheibhear foirm tagraidh agus stiùireadh an sgeama air an làrach-lìn aca an seo.
Ann an Èirinn tha Colmcille air a ruith le Foras na Gaeilge air stèidh thar-chrìochan agus tha trì sgeamaichean tabhartais ann: • Sgeama Tabhartais Cholmcille, airson pròiseactan, aig a bheil dà chuairt maoineachaidh gach bliadhna • Sgeama tabhartais bheag Cholmcille airson a bhith a’ togail chom-pàirteachasan agus phròiseactan, a tha fosgailte gu leantainneach • Sgeama bursaraidh Cholmcille airson luchd-labhairt na Gaeilge a bhios ag ionnsachadh Gàidhlig na h-Alba
Gheibhear foirmean-iarrtais agus stiùireadh Foras na Gaeilge an seo.
