Tha Colmcille na iomairt chom-pàirteach eadar Foras na Gaeilge ann an Èirinn agus Bòrd na Gàidhlig ann an Alba. Tha e a’ brosnachadh conaltradh is co-obrachadh eadar Gàidheil na h-Alba agus na h-Èireann.
Is e amas Cholmille luchd-labhairt na Gàidhlig is na Gaeilge a thoirt còmhla:
a) Faighinn a-mach mu dheidhinn agus eòlas fhaighinn air a chèile, air na cànanan, air a’ chultar agus air an dualchas b) èisteachd gu domhainn ri chèile agus na traidiseanan cultarail aca a cho-roinn eatarra. c) fiosrachadh a cho-roinn agus co-obrachadh còmhla d) Togail mothachadh mun àrainneachd nàdarra, fiosaigeach agus cultarail far a bheil iad a’ fuireach, agus slàinte is leas nan cànanan Gàidhealach a thoirt air adhart mar phàirt den àrainneachd sin e) co-obrachadh le luchd-labhairt na Gàidhlig ann an Canada agus le luchd-labhairt Gàidhlig Mhanainneach
Is e a bhith ag obair ann an com-pàirteachas bunait ar n-obrach tro Cholmcille; bidh e ag àrdachadh càirdeas agus dàimhean agus a’ togail structaran anns am faod daoine co-obrachadh. Bidh Colmcille ag obair tro sgeamaichean tabhartais agus tro bhith a’ làimhseachadh agus a’ tòiseachadh phròiseactan.
A-mach às a’ cheangal eadar luchd-labhairt an dà chànain, tha e comasach slighe chumanta a thogail. Gu tric chithear rudan aig a bheilear eòlach ann an dòigh ùr, eadar-dhealaichte, gun a bhith na bhagairt ort. Togaidh sinn àite ùr airson Gaeilge is Gàidhlig: neart ann an iomadachd.
Faodar ro-innleachd Colmcille airson 2019 – 2021 a luchdadh a-nuas an seo.
Faodar mapa Chaluim Chille (2011) a luchdadh a-nuas an seo.
Faodar Logo Chaluim Chille 1500 a luchdadh a-nuas an seo
